سياسة الخصوصية
«لها» منصة كوتشنق عافية شمولية تديرها الكوتش شموخ. خصوصيتك أساس الثقة بيننا، وهذه الصفحة توضح وش نجمع، وليش، وكيف نحميه.
وش نجمع
- بيانات التواصل اللي تعطينا إياها: الاسم، رقم الجوال، الإيميل (اختياري).
- مواعيد الجلسات والمدفوعات والاتفاقيات.
- ملاحظات الجلسات، وما تشاركينه في الكوتشنق — بموافقتك على البيانات الحساسة.
- عدد زيارات الموقع حسب المصدر (مثل إنستغرام)، كأرقام فقط بدون أي بيانات شخصية.
ليش نستخدمها
- تقديم الجلسات وتنظيم المواعيد والمتابعة.
- الرسائل الخدمية (تأكيد موعد، تذكير).
- الرسائل التسويقية فقط لو وافقتِ عليها بشكل منفصل، وتقدرين تسحبين موافقتك متى ما بغيتي.
المساعد الذكي
لو وافقتِ على «المساعد الذكي»، ممكن تستعين الكوتش بنموذج ذكاء اصطناعي من مزود مدفوع لا يدرّب على البيانات المرسلة إليه. قبل الإرسال يُخفى اسمك ورقمك وأي معلومة تعرّف بك، وتراجع الكوتش النص بنفسها. المساعد لا يشخّص ولا يعالج.
Google Drive
تستخدم المنصة Google Drive لمكتبة دراسة الكوتش فقط، بصلاحية drive.file: يعني المنصة تشوف بس الملفات اللي تختارها الكوتش بنفسها. نخزّن اسم الملف ونوعه ورابط فتحه، ولا نقرأ محتواه ولا ننقله لأي جهة. استخدام «لها» للبيانات اللي تجي من Google APIs ونقلها لأي تطبيق ثاني يلتزم بـ سياسة بيانات مستخدمي Google API Services، بما فيها متطلبات الاستخدام المحدود (Limited Use).
وين تُخزّن البيانات
البيانات محفوظة في قاعدة بيانات مشفّرة لدى Supabase، والموقع مستضاف لدى Vercel، وقد تكون الخوادم خارج المملكة. كل الجداول محمية بصلاحيات تمنع أي أحد غير الكوتش من الاطلاع عليها.
حقوقك
- تطلبين نسخة من بياناتك أو تصحيحها.
- تسحبين موافقتك على التسويق أو المساعد الذكي في أي وقت.
- تطلبين حذف حسابك: نحذف بياناتك وملاحظاتك، ويبقى فقط الاسم على السجلات المالية لأن الأنظمة تلزمنا فيها، ورقمك مشفّراً في قائمة منع التسويق.
مدة الاحتفاظ
نحتفظ بالبيانات ٥ سنوات من آخر تعامل، وبعدها نراجعها للحذف.
تواصلي معنا
لأي سؤال أو طلب: shmoukh.life@gmail.com
الكوتشنق مكمّل للرعاية الطبية ولا يغني عنها.